لسلام عليكم ورحمة الله وبركاته :
أنا ما عرفتش آش غادي نقول ليكم، والله راني حشمت نعاود ليكم المشكلة ديالي حيت هي مشكلة كتضحك وكتبكي في نفس الوقت، أنا سمير من الدار البيضاء مشكلتي هي أنني مشيت للرحبة ديال الغنم بحالي بحال عباد الله باش نشري
الحولي للوليدات، لأن الدراري برزطوني بزاف بابا الحولي جيب لينا الحولي، وصافي مشيت للرحبة وشريت حولي ب 45 ألف ريال، ورجعت بيه للدار فرحان باش نفرح ولادي، وفرحو بيه بزاف، ولكن المشكلة هي ماماهم، الزوجة ديالي قلبات لي الفرحة نكد وهم كبير، غير شافت الحولي وقالت لي ها ويلي الناس جابو الحوالا وهو جايب لي مش، وقالت لي سير ديه رجعوا منين جبتيه، ما تدخلوش لي لداري وتضحك علي الجيران،
وما بقاتش باغيا تهضر معايا، ودابا 03 أيام ما كتهضرش معايا، وأنا ديت الحولي لواحد الماكازا احدى الدار خليتو عندهم، والدراري كيبكيو باغين نجيبوا للدار، آش نعمل مع هاد المرأة المسخوطة، غير معاندة لي مع الجيران ديما، عافاكم أخوتي راني عقلي غادي يطير.
0 التعليقات:
إرسال تعليق